يا عيب الـشــوم | سمو الشيخ حمدان بن محمد بن راشد آل مكتوم - فزاع

يا عيب الـشــوم

يقبل لا ابدى قبل لا اعرف قبل يوم الهموم هموم

قبل يوم الحزن يلوي ذراعه يجمع الأحـباب

قبل لا ينولد ( فـزّاع ) وقام وقـلت صـح النوم

بديت اقرا عيون الحب في عيني واحسب حساب

بديت اسري لياليها واصـدّق كل طيف حـلوم

واصـدّق كل شعـرٍ فيه ولو هو أصـدقه كـذّاب

أجيب الياسمين وفـلّ والنرجـس مع اليشـموم

مع النوّار والنسرين واحطّه ع الخدود اطياب

وتخدعني وانا راضي وتخدعـني بلا أيّ لوم

وارد ارضى وتخدعني واراضيها بليّا اسباب

أجيها بطيب نتـفاهـم ولكن عقب حَبّ خـشوم

عقب ثـلج الصبر لي في خفـوقي يبتدي ينذاب

بديت اتعـلـّم اخـطائي وأصنع للسهـوم سهـوم

واصنّع للسيوف سيوف واصنّع للحراب حراب

إذا جتـني بحـوم آحـوم والله ألـف مـرّه آحـوم

واذا جـتـني بلعـب العاب ألاعـبها بلعـب العاب

تعال اعلـّمك من قبل فصل الصيف كيف العـوم

واذا تعلّمت كيف العوم أعلّمك البحر وش جاب

واذا جاب البحر موجه وطحت ارفعك لجل تقوم

واذا قمت وفرحت ارميك في موجه قبل ينساب

ألمّك وانثرك واشريك وارخص في غلاك السوم

واسومك واشتري من باع قدرك واتركه يرتاب

أسوّي في السـما دروبٍ و اعلـّي للنجوم نجوم

واعاند لو تبي تعاند واصاحب لابغت الاصحاب

أسـوّي مثـل ما تسـوّي تـبادل للـعـلـوم عـلـوم

أبـيها تـفهـم المعـنى ش يعـني .. للذياب ذيـاب

بنـاءً عـ الـذي عـدّى عـذرتـك والعـذر مفهـوم

مجـرّد ردّ فعـل ولا عـقـب عـذر الكرام عتاب

أنا ما قـصـدي إلاّ رد فـعـل ولا عـلـيـكـم لــوم

نحن مهما حصل نهوى هواكم والهوى غلاّب

حبيبي كيف انا اتجرأ على هجرك يا عيب الشوم

تصدّق بانّي أسمع بك كلام اللي هذرك وعاب

فـديتـك كل هاللي مَـرّ كـلـّه كان طيف حـلـوم

غـفـت عيني ولكنـّي لجل عينك فتحـت الـبــاب

تبسّم قايـلٍ ( فـزّاع ) يا ( حمدان ) صحّ النوم

ترى توّك بديت تعرف وش يعني غرام احباب

تصفح بالعنوان

  1. 1

    الانثى الناعمه

    August 3, 2010 at 12:55 am

    رائعــة

أرسل تعليقك

( *حقول مطلوبة )
( *حقول مطلوبة )