يا مشـعل القـلـب | سمو الشيخ حمدان بن محمد بن راشد آل مكتوم - فزاع

يا مشـعل القـلـب

يا مشعـل القلب تكفى خفـّف شويّه

القـلـب من كـثـر صـدّك ويلي لحـاله

دامه يحبـّـك ولا له غـيرك بغـيّـه

وش له تحـطـّه بـدنـيـا الهـمّ وتـنـاله

انته حبـيبـي لقـلـبي نـوره وظـيّـه

تحلا بعـيني وقـلبي صـرت تـحــلاله

وانته ربيع الخـفوق وشمسه وفـيّه

وان حبّ غيرك خفـوقي باقطع وصاله

ما اريد بك حدٍ ولو هو كان حوريّه

إنتـه مهـدّي الـغــرام وانـت زلــزالـه

للمـوت انا لك حبيـبي صـورةٍ حيّه

ميّت بحبك وحبّك صرت انا اسعى له

يا بوعـيـونٍ مثـل عـيـن الـدمانـيّـه

حـورى هـدبها مظـلّ ودعـج قـتـّـــاله

كاسنـّك الحـسن واوصافك خيالـيّه

ومن راد يـوصـف جـمالك أيـتهـيّـالـه

تصفح بالعنوان

أرسل تعليقك

( *حقول مطلوبة )
( *حقول مطلوبة )