يحسب حساب | سمو الشيخ حمدان بن محمد بن راشد آل مكتوم - فزاع

يحسب حساب

ما عاد لك في قـلب خلـّك مكانه

لو كـنت امامـه يجهـلنـّك عـيـونه

ما انت الذي تتـملـّكه في زمـانه

صعبه حبيبي عن رماتك حصونه

يا من تعـوّد ع الغـدر و الخـيانه

الحـب غالي لو انـّكم ترخـصونه

أرخصت قدرك يوم خنت الأمانه

ويـن الـوفـا لي عـندكم تـدّعـونه

لقيت عقبك م الغـراشـيب دانـه

حصباه من نقـو اللآلي مخزونه

جمال حسـنك ما يسـاوي بنـانه

فتـون زينـك ما يحـرّك غصونه

عـودٍ يـشـابه لادن الخـيـزرانـه

عازل هضيمه بين حيب ومتونه

أبغي وصوفه لكن الوصف خانه

حـرت بجماله وتوّهــتني عيونه

لانّي صويبٍ مرهف من سنانه

وعـزاه قـلـبٍ نازفـاتٍ طعــونه

يقـولهـا لـي قـالـها مـن كـيـانـه

يحسب حسابه قبل لا يحاسبونه

تصفح بالعنوان

أرسل تعليقك

( *حقول مطلوبة )
( *حقول مطلوبة )