يـراودك .. و يـراودني | سمو الشيخ حمدان بن محمد بن راشد آل مكتوم - فزاع

يـراودك .. و يـراودني

ياللي ذبحـك الغلا والشوق حـرّاقي

لا تكـتم الشوق فضفض به وعلّمني

مْن الطبيعي تتلعثم لحظة فـّراقي

لان الهجر قبل ما يلعثمك لعثمني

بعـطيك قلبي ودوّر داخـل اشواقي

يمكن تـشوف الغـلا وشلون ذابحني

أموت في ضحكتك واسلوبك الراقي

وجمالك اللي مجنـّنك .. وْمجنـّنـّي

ما كـل إنسـان يقدر يسكـن اعماقي

إلا انت من يوم شفتك وانت تسكنـّي

أعـطيتك الحب والإحـساس والباقي

اللهـفه اللي على لقـياك تـسبقـني

باذوّقـك من حـلاي وْطـعم تريـاقي

وبعـلّمك كيف تـكرهني وتعـشقني

يا جامع الليل في وجهك والاشراقي

تناقـضاتك هي اللي فيك تعجـبني

ذوقك في عيني يساوي كل الاذواقي

وغلاك عن وصل غيرك صار يمنعني

والحـب في عـيون عشـّاقك وعشـّاقي

شعور اشوفـه يـراودك .. ويراودني

تصفح بالعنوان

  1. 1

    ايه

    August 21, 2010 at 12:31 am

    قصيده حلوه واجد صح لسانك فزاع صحيت يالغالي عاشقة فزاع

  2. 2

    حروف

    September 14, 2010 at 2:25 pm

    وربي تهبل يعطيك الصحة

أرسل تعليقك

( *حقول مطلوبة )
( *حقول مطلوبة )