وين انـت ؟ | سمو الشيخ حمدان بن محمد بن راشد آل مكتوم - فزاع

وين انـت ؟

وين انت ياللي كل ما قلت وين انت

حتى السـؤال يقـول ويـن الإجابه

عامين ضايـق وانت للـيوم ما بنـت

هي حـالـتي بيـن الحـزن والكـأبه

لو شِنت بعـيون المخاليـق ما شـنت

في عـين من حبّـك سرابه سرابه

لـولا الغـلا يا صـاحـبـي ما تمكـنت

صدرٍ من الهـجران صاير خرابه

عــوّد عـليّ وآنـا اتـريّــاك لا هـنـت

الحال واحـد ، والظـروف تـشابه

إذا سـألـت تحـبّـني ؟ قـلت لي كـنت

وانا ابتـسم من باب حـبّ الدعابه

وان خنتـني إعـلم ترى مابعـد خـنت

إلا معــك .. لـكـن خـونـة ذرابـه

خـنتـك مـعَ طـيـفـك بـعـد ما تيـقـّـنت

إنـّك على بعـد الثـرى والسحابه

أكـبر خـطا محـبّـتـك وانـت ما صـنت

حـبٍ يـخـلـّده المـشـيب لـشـبابه

تدري وش يغيض الرجل في هوى البنت

إنـه يعـيـش بْـواقـعٍ مـا درى به

لكن انا وش هو أنا وانت ويـش انـت

هـذا السـؤال اللي يبي له إجـابه

تصفح بالعنوان

أرسل تعليقك

( *حقول مطلوبة )
( *حقول مطلوبة )