نبـع الـمحبـّه | سمو الشيخ حمدان بن محمد بن راشد آل مكتوم - فزاع

نبـع الـمحبـّه

يا كامـلٍ زينـك على كل مـزيـــون

أهـــواك والله يـا غـــزالٍ فـتـنـّي

منـزلك داخـل في وسط لبّ لعـيون

وما كنت لحظه يالغلا بعيد عنـّي

إن قـلت أحبّـك لا حـشا فيك مجنون

وان قلت بانسى خيّب الفكر ظنّي

يا كـيف بانسى والعـقل فيك مفـتـون

وكـن المحـبّـه نـبـع منـّـك ومـنـّي

يضج قلبي شوق في الصدر مكنون

ورياح حبّـك يا حبـيبي عْصـفنـّي

ما اريـد بك حـدٍ ولو كان ما يكــون

إنتـه وبس انتـه ..حـيـاتـي وفـنـّي

ان جيـتني أفـرح ولو كنت محـزون

وآشوف كوني بالفـرح لي يغـنـّي

وان رحت عنّي ضاق بي واسع الكون

وتكـثـر هـمـومٍ فـالحـشا عـذبـنـّي

تصفح بالعنوان

  1. 1

    فاطمة الهاشمي

    August 17, 2010 at 9:58 am

    يا سلام … ما عليها كلام … ابداع بوراشد دووم

أرسل تعليقك

( *حقول مطلوبة )
( *حقول مطلوبة )