هذي طــبوعي | سمو الشيخ حمدان بن محمد بن راشد آل مكتوم - فزاع

هذي طــبوعي

لابـد بالـكامـل يجي فـيه نـقـصان

يالـيـتها بالـجـوع .. باسـدّ جـوعـي

لكـنـّها كـضـّه و فــرّه و مـيـــدان

وانا لـيا قـدّمـت يـصعـب رجـوعي

والكـلمه اللي من قـناعات وايـمان

يصبح بها لساني وتصغي سموعي

قولوا لمن سوّت على القلب بيـبان

إتـفـتـّحـن م السـبت ليـن الربـوعي

إللي حزنها غير عن كل الاحزان

خلاّ ابتـسـاماتي مثـل حـب كـوعي

لـو انـّها تـسـهــر ليـا بـعـد الآذان

باتشوفني لا رحت باطفي شموعي

حزيـن متـشـائـم ونـادم وحـيـران

بس ماظلم .. وهذي أرقى طبوعي

أبـوي سـمّاني على ابوي حمـدان

وخلاّني آخذ عـزّتي من خضوعي

وعلـّمني آبـادل الاسـاءه بإحـسان

من قــوّ وقــفـاتي أثـبـّـت وقـوعي

يمكن عيوني قاسيه بعض الاحيان

لكن يعـرفـني اصـدقـاي وربـوعي

والله لو ان في ايدي أفـرّح انسان

بافـرّحـه .. لو ان ثـمـنها دمـوعي

تصفح بالعنوان

أرسل تعليقك

( *حقول مطلوبة )
( *حقول مطلوبة )