هوا الحريّـه | سمو الشيخ حمدان بن محمد بن راشد آل مكتوم - فزاع

هوا الحريّـه

الشـوق في خافـقي يا زيـن حـرّكـته

واحرجتني فالغلا واقفيت سكـّاتي

لين اكتشفت انّك الخاسر في معركته

من يوم زعّلت ( فــزّاع ) الإماراتي

القلب متـشربكٍ بك وانت شربكته

لكـنّ باروح وانـته خـلـّك تـحـاتي

يامهـلك القلب تدري يوم هلـّـكته

ما طاع عزمي وعيّـا ينكـسر ذاتي

إن شفتك تفبرك احساسي ما فبركته

أعيش إنسان .. حتى في معاناتي

مؤمن بربّـي ولا في يـوم أشـركـتـه

وآهذب النفس باسمه في صلواتي

طموح واحد عشقت النفس وادركته

إنّي أحـقـِّق نـجاحي بانكـساراتي

واليوم حَقـّك على الصقـّار وشبكته

يا طير ياللي تهاوت فيك هقواتي

سلطان قلبي قطع سبقك في مملكته

ناطـح بصدرك هوا الحريَّه العاتي

تصفح بالعنوان

أرسل تعليقك

( *حقول مطلوبة )
( *حقول مطلوبة )