لـبّـيـه | سمو الشيخ حمدان بن محمد بن راشد آل مكتوم - فزاع

لـبّـيـه

مافيه ( فوق اللي ) ولا ( يا نديبي )

هـذا كـلامٍ ما يـجـي مـنه مـصــلوح

إخـتـار يـا .. لبـّيه والاّ .. حـسـيـبـي

عـليـك يا شـف الـمعـاليـق والـروح

وش فيك لامن جيت قلت ش تبي بي

والصدر يطبخ شوق ويحن ويفـوح

أجـيـك لـو غـيـرك يـبـي يهـتـني بي

غـلاك طير وْخافـقي شـبك مطـروح

والـظـنّ في مثـلك لو انـّه يـخـيـبـي

ما قـمت أنافـس لايع الورق وآنوح

وما شفتـني صابر وجرحك عطيبي

وماشفت قلبي لا ظهر رقمك يشوح

أرخـصت لك دمعـي وحالي وطيـبي

كـنك قـدر مكـتوب لي داخـل اللـوح

أقـدر أحـبّـك .. من شـبابـي لشيـبي

ودامك سكـنت القلب لاتقول باروح

لـبّـيك لـك يـم الـوصـل يـا حـبـيـبي

خـلّيت لك قـلبي على طـول مفـتوح

يمكن بعـد فـتره تـجي من نصيـبي

ومواصـلك بين المخـاليـق مسموح

تصفح بالعنوان

  1. 1

    ايه

    August 20, 2010 at 8:22 pm

    وحتي لو تكاثر شيبي مازال فزاع طليبي

  2. 2

    عبدالله

    September 3, 2010 at 7:38 am

    صح اللسانك ياطويل العمر

أرسل تعليقك

( *حقول مطلوبة )
( *حقول مطلوبة )