لعـبة زمـن | سمو الشيخ حمدان بن محمد بن راشد آل مكتوم - فزاع

لعـبة زمـن

لعـب الزمن ماهو مثـل باقـي العـاب

إلعب على كـيفـك واذا تـروم لا تـّـوب

بَيْـجـيك يـوم وْتـنـدفـن تحـت لـتــراب

عقـب الدفن بَتْعَـرف وش يعني لعوب

لو نك فَـتحـت ابـواب لك غَـالـق ابوَاب

ولو نك تعـرف العـيب العـيب عَـذروب

بديـت أكـتب واجـلـب كْـتـاب بكْـتـاب

وآخذ معَـانـيـهـن واخـلـّيـهـن بْـصـوب

إذا الـشـعـر يا نـاس قـد جاب ما جاب

وان جاك شِعري بالفعِـل جَاك مكتوب

هـذا وانـا أرقـى عـلى كـل مـرقــاب

أسري بـليل الضدّ من فـوق عَـرقـوب

هذا وانا أشـّر وهي تـْطـيـر أســراب

بيـض الحَـمام تـْطـيـر ما تحمل ذنوب

هذا وانـا تـايــب وإبـلـيــــس ما تــاب

هـذا وانـا أنـعَــت وهـو ضَـــيـّـع دروب

هذا وانـا أضـحَـك وهو يـضـحـك بْنـاب

ثوبي ستـيـر وْصاحـبي عَـاري الثـوب

هذا وانـا اعـدّ الـخَـــطا عـَـد لـتــــراب

ينعد كيـف انعــد وهـو كان محـسوب

بعض البشر تحسب على كيف الاسباب

وبعض البشر من دون سِـبّه ومطلوب

كلّ يحسب احساب وآنا احسب حساب

وْكلّ يجـي باسلـوب وآنا لي اسـلوب

بَــابٍ فـتـح من بَـاب والـبـــاب كَــذّاب

بَـابٍ إذا يـفـتـح تـرى الـباب مَـكْـذوب

هـذا وانا اغـنـّي وانـا اقـول سَـحّـــاب

سَحّاب يَـمطر صوب وانا أمطر بْـصوب

مثل العـروق تـْجيـس وتدق الاعـصَاب

أو مثـل سَاحِـر طـار في الجو مجلـوب

من هو يأمـِّن يـمشي بْـليل في غَاب

بعض العَسَل يا صاحبي سَمّ مـشروب

هذا هَـدفـيه صـبتـه وْصَـاب بصـواب

صـوب الذي صَـوَّب وَلا صـاب مَصـيـوب

بـحـرٍ غـزيـر وْطـامي الـبـحـر عَـبّـاب

ونَــارٍ تـطَــفـّـي نـَـار من حَــرّ لاهــوب

حَـدّ عـليه عـيــون والـنـاس رقـّـــاب

وْحَـدّ اختـفى لو كان بالحـيل مَـرقـوب

حَـدّ يشـلّ سـلاح وْحَـد شايـل حـراب

وحَدٍّ يِعَشْق شْروق وْحَد يعشق غروب

حَدّ يشيل الـهَم في ضَـرب الاصـحاب

كل من ضَرب في يوم له يـوم مَـضروب

وآنا مـعَــادِل آخـذ الحُـب لاحـبــــاب

وْكـلّ يحب الطـيـب .. الطـيب محبوب

قـالـوا سَهَـل إنـّي أنـا أفـتـح الـبـاب

وانا هـويت الـصـعـب لو دارت حـــروب

لعـبَه وانا ألعَـب عـلى كـل الالـعـاب

طبـعي أنـا غَـالـب ولا آكـون مَـغـلـوب

تصفح بالعنوان

أرسل تعليقك

( *حقول مطلوبة )
( *حقول مطلوبة )