كـش مـلك | سمو الشيخ حمدان بن محمد بن راشد آل مكتوم - فزاع

كـش مـلك

صاحبي اللي إذا غبت احـتريك

أعشق ارضائك واخاف مْن ازعلك

الخـلل ما كان في الأيّـام .. فـيك

ليه طـيّـحـت فْ عـيـوني منـزلك

التـواضـع نعـمــه .. ألله يْهـديـك

وانت مغـرور وْ غـرورك يقـتلك

إنت تدعس بنص وانا ادعس بريك

شف هداوة بالي وْشف ما أعجلك

كل ليـل تغـيب به وانا احـتـريـك

وْكـل لـيـل تـردّنــي واسـتـقـبـلك

وْكل دربٍ أعـشـقه دامـه يجـيك

وانـت دربـي ما تـدانـيـه ارجـلك

يعـتريـني حـزن ليتـه يـعـتــريك

يبـدع ف حاضـرك لى مستـقبلك

ساكـنٍ في خافـقي مـالك شـريك

غـير حـبٍ لو تـضـحّـي به هَـلَـك

لا تـساويـني بغـيـري واشتـكـيك

للطـمـوح اللـي رقـى بي للـفـَـلك

والله ان الحـر عـن ملـيـون ديـك

كان شـكـل الديـك غـرّك واذهـلك

كش ملك راحت على الحب وْعليك

يعني وش عقب الوزير الاّ الملك

في هَـلك إنتـه وحـيد أمّـك وابيـك

بـس انا مانـي بْـواحـد من هَــلك

تصفح بالعنوان

  1. 1

    ج

    July 10, 2010 at 10:09 pm

    ماشاء الله صح لسانكم…

  2. 2

    احمد

    August 4, 2010 at 3:36 am

    صح لسانك ياشيخ

أرسل تعليقك

( *حقول مطلوبة )
( *حقول مطلوبة )