كحل الظــلام | سمو الشيخ حمدان بن محمد بن راشد آل مكتوم - فزاع

كحل الظــلام

جيت اسأل الليـل  لمّـا طـوّل غـيابك

وهلـّت دمـوع السـحاب وبلـّت احـداقي

واخذت كحل الظلام وجيت لاهـدابك

أشوف هي حنـّة اغصانك على اوراقي

ملـّيت وانا انتـظر طـاريـك وعـتـابك

حتى غـلا شـارع الأشـواق باعـمـاقي

يـقـول.. كل الجـفا هـذا مـن اسـبـابـك

ما يـدري اني بـري من طعـم خفـّاقي

ما يدري انـّك قـفـلت مْن الزعـل بابـك

ورقـّصت نار الغلا في نوتة احراقي

وعـزمت حـزن القـصيد ونـام بكـتابك

واخـذت للبرد منـّي بـشـت مـشراقـي

والخيمه اللي بنت لي من على هضابك

عـرّضتها للهـبـوب .. ومزّع ارواقي

وعقدت لي حجاجك وكشــّرت لي نابك

وجرّدتني من غلاك وضاقت اخلاقي

جـيت آتـشـفـّـع بـمعـسـولك وعـنـّابـك

وبغـصنك اللي تركت القلب له ساقي

يكـفي ترى ما تحمّـل طـولـة غـيـابـك

يكـفي زعل كان لك في خافـقي باقي

تصفح بالعنوان

  1. 1

    الصراحــــه راحـــــه ياعيونــــــي

    September 24, 2010 at 10:20 am

    القصيده حلووه وننتظر الجديد

أرسل تعليقك

( *حقول مطلوبة )
( *حقول مطلوبة )