قـوس الربـابـة | سمو الشيخ حمدان بن محمد بن راشد آل مكتوم - فزاع

قـوس الربـابـة

إسـتـمـد الشـوق حـيـله وانـتـحـابي

لين صادفـني طـريـقٍ كـنت اهـابه

لي شهر وآنا ما غير اكتم مـصابي

وأتـجـمّـل في الوجـيـه امّ الـذرابـه

ليـن حـدّتـني مخـايـيـل الـسـحـابي

والـسـنـين اشــباح والأيـّـام غـابـه

شـفـت ما منـها مصـدّه واجـتـنابي

لكن الله رحـمــته تـســبق عــذابه

يا وجـودي من عـناي ويا ذهـابي

وجــد من خــلـّوه ربـعـه للـذيــابه

في نهــارٍ هـيّـب اللي مـا

يعــتـنـق عـج الـمـنايـا بالـسـحابه

منـك ياللّـي فـاقــدٍ مـنـّـك صوابي

قمت اعـشقـك مثل عشقي للكتابه

شـف غـيابـك وين ودّاني وجـابي

بـس مع الأيـّـــام زوّدنـي صـلابـه

حـس فـيني يا مـعـوّدني غـيــابي

في وجودي وش مدى فرق التشابه

ليـه ادق الـبـاب دام البـاب بـابـي

يا مـعـيّـشـني تـفـاصـيـل الـغـرابه

يا معـوّدني على صبر احـتـسابي

يا معـرّضني شقا القيض وسرابه

الــدروب طــوال لـكـنـّـك ذهــابي

شـوف حالي كـنـّها قـوس الربـابه

واعتـقدت انـّك تعاني من عـذابي

يكـسـرك صوت الأحـبّه والغـرابه

واثـرك اللي مسـتـريح ولا درابي

ما تعـرف الاّ .. تـمـاديه وغــيـابه

تصفح بالعنوان

  1. 1

    اسماء

    November 8, 2010 at 3:26 pm

    ربنا يحفظك ويحميك

أرسل تعليقك

( *حقول مطلوبة )
( *حقول مطلوبة )