فصول عـمـري | سمو الشيخ حمدان بن محمد بن راشد آل مكتوم - فزاع

فصول عـمـري

ودّي أشرح لك عن اللي بي واقول

إنّك اغـلا من نـصخ روحي عليّ

وانّك اغلا .. وانك اغلا .. يا خجول

يـمكـن اغلا م الغلا نفـسه شويّ

ودّي أشرح عن تفاصيل الدخـول

عن متى عن كيف سقته مقتلي

صرت لي خامس جهه لاربع فصول

ما تموت فصول عمري وانت حيّ

ما طـلـبـت الا الـثـريـّـا بالـنـزول

وما تـكـون الا لذاك الـضيّ ضيّ

وما حويت الا من الصعب الحلول

كـلك انته حـب والإحـساس لي

صابني من بارد احساسك خـمول

والبلا ضاقت من احساسي دبي

كل ما جـيتـك أدوّر لي قـبــــول

إكـتشـفت انّي أنا ما اطلع بشيّ

كل ما قـالوا غـرامـك ما يـطــول

قلت بس لحظه عليّ صبروا شويّ

عيد لي خامس جهه لاربع فصول

وما تموت فصول عمري وانت حيّ

تصفح بالعنوان

أرسل تعليقك

( *حقول مطلوبة )
( *حقول مطلوبة )