فنـون الغـدر | سمو الشيخ حمدان بن محمد بن راشد آل مكتوم - فزاع

فنـون الغـدر

لا تتصـل لي ولا ترسـل لي حـروفـك

ما ابا سوى تمـسح ارقامي من اللسـته

عجزت اداريك وامشـي رغبة كفوفك

ما فيه درب ٍ لكسب رضاك ما دسـته

عـقب الخـيانه تجـيني تـشرح ظروفك

إنـت الـذي حـبّـنا تحـت الـقـدم دسـتـه

جَـمّـلت كـرّاسـة التعـبـير بـوصـوفـك

لا واحـسـافـه قـصـيـد ٍ فـيك كـرّسـتـه

أبعد بـطـيفك .. عـيوني ماتبي شوفـك

تـراك جـرح الخـفـوق بْـجـِد لامـسـته

لو كان بعـض الخـيانه سـاكن بجوفـك

عـذرت قـلبي وعاطـفـته و وسـوسـته

صحيح انا كنت احبّك واعشق طيوفك

وان جيت قلبي بغـربة هـَم .. ونـّسـته

وان رحت يا صاحبي كمّلت معروفك

شجّعـت قـلبي على بُعـدك و حمّـسته

لا يازمن ماني بناقـص من صـدوفـك

وش عاد باقي معي يا وقت ما حسته

يا قـلب لاتـنحني لاحـد ٍ وانا اشـوفـك

وش لك في بنتٍ فنـون الغدر دارسته

عدلك وميلك تساوت.. والسبب خوفك

من واقع ٍ يكـشـف اللي فـيه مـارسـته

والله لخلّـيك عـقـبي تصـفـق كـفـوفـك

واشرّب اللي تغطرس كاس غطرسته

با وقـّفـك في طـريـق الغـدر وآطوفك

دام الـغـدر هـو هـواك اللي تـنـفـّسته

بس انتـظر لاتـناظـر لحـظة وقـوفـك

أخاف أضعف وارد اسمك على اللسته

تصفح بالعنوان

  1. 1

    فــــزاعه

    September 29, 2010 at 10:55 am

    احس هذه القصيده من قلب طالعه صح لسانك يافزاااااااااع

  2. 2

    فــــزاعه

    September 29, 2010 at 10:57 am

    وااااااااااااااااااااااااااااااااااااااو اخر بيتين ابداااااع ورب البيت ابداااااااااع

أرسل تعليقك

( *حقول مطلوبة )
( *حقول مطلوبة )