قال الـمثـل | سمو الشيخ حمدان بن محمد بن راشد آل مكتوم - فزاع

قال الـمثـل

خلـّي الدلع وخلـّي التغـلـّي بعـيدين

وخلـنا حـبايـب مثـل ما كنـّا أوّل

وخلـّي الـتـلاقي حيّ مابين الاثـنين

إسكن خـفوقي وبعروقي تجوّل

شوف المسافه لي من دبي للصـين

أقـرب من آهـاتي إذا البعد طوّل

حبّـك يمـوّل فـرحتي سنـين وسنين

مثل الخفوق لباقي الجسم موّل

كنت بعـيـوني حلـم .. لكـنـّه الحـين

أنا اشهـد ان الحـلـم واقـع تحوّل

قال المثل راعي الهوى دوم مسكين

به من كـثير الـشوق هـمّ ٍ يهـوّل

جيت اكتبك شعرٍعلى الطرس يازين

حيث ان شعري من جمالك تنوّل

أطلـب وآمـر قـبل هالعـيـن هالعـيـن

ونرجع حـبايب مثـل ما كنـّا أوّل

تصفح بالعنوان

  1. 1

    omega

    July 9, 2010 at 3:36 am

    الله يعطيكم العافيه … قصائد نبحث عنها وجدناها ….

  2. 2

    فاطمة الهاشمي

    August 2, 2010 at 7:00 pm

    حبيت هالقصيدة ……. تحمل مشاعر حلوة …. صح لسانك

أرسل تعليقك

( *حقول مطلوبة )
( *حقول مطلوبة )