عـالم ثـاني | سمو الشيخ حمدان بن محمد بن راشد آل مكتوم - فزاع

عـالم ثـاني

ما قمت اشوف الشمس ولاقمت اشوف النور

حتى في هـذا الـيوم ما اشـوف خـلاّني

ما ادري مكاني وين لو هي السـنين تـدور

ما ادري أنا في عـالـمي أو عـالمٍ ثـاني

يا هو غريب احساس ياهو غريب شعـور

أعـيش بيـن الـناس .. لكـنـّـي وحـداني

عشت اغرب الإحساس في مظلمات بحور

واسمع صدى الأصوات إن ياك وان ياني

نـاسٍ تـفــارق نـاس وكـلّ ٍ لـعـب في دور

والـدرب لـي ودّاه  ،، روّح ولا جـاني

قام هذا ينـسى ذاك وذاك عايـشٍ مغـرور

واخاف حتى الـروح .. الروح تـنساني

من يومه العشرين خمسه وخمسه عـشور

حـتى ظلام اللـيـل من جــوره يـعـانـي

طافـت عـليّ ايّـام وطافـت عـليّ شـهـور

واحـتـارت الأيـّـام واحـتـار مـيــزانـي

الـنـظره لي م العـين تـنظر غـياب النور

أبطـت وهي تـبـكي وتـفـارق اعـيـاني

تصفح بالعنوان

  1. 1

    بسمة المغرب

    September 23, 2010 at 4:48 am

    والله ما اضن للاحساس هدا متيل واتحدى كل انسان يقول انا شاعر قدام فزااااااااااااع في دبي غاااااااااااااااااااااااااااااااااااااالي وفي الكون لمااااااااااااع
    وفي قلبي صنعت له بيت من يوم انا عرفت معنى القصيد

أرسل تعليقك

( *حقول مطلوبة )
( *حقول مطلوبة )