غصــون قـاف | سمو الشيخ حمدان بن محمد بن راشد آل مكتوم - فزاع

غصــون قـاف

الله الله يا قصيدي قول ما عندي خـلاف

قول من حـبر المشـاعر لين ما حبرك يجف

قلت يا طابور ثابت خـذ يمينك إنصراف

قال حاضر سيّـدي .. أدى التحيّه وانصرف

اختيار البحر هذا والبحور غصون قاف

والسواقي يرتون بس ما اكملن وصلن نصف

هذي بداية مطافك وش نهاية هالـمطاف

من يعرف نهايته وهو في البدايه ما انعرف

لي يقول انـّه من انصاف الليالي ما يخاف

طِـب قوله وانظـر عـيونه إذا الليل انتـصف

من يبي يفهم يحاول يقرا خطـّي باختلاف

أمـلك انـواع الـمـعانـي والـمـعـاني تخـتـلف

خذ من اللي مقبلات وخل ياللي طاف طاف

والشجاع اللي صِـدق قـولـه ولو هو ما حـلف

كم تمنـّيت الزمان يعود لي من يوم شاف

الـولـــد أمّـه ولـكـن ما رجـع .. يـا للآســف

العلوم المثـقلات اليوم صارت لي خفاف

حـشـمـةٍ لانـسان واحـد والـبقـايا في طـرف

تصفح بالعنوان

أرسل تعليقك

( *حقول مطلوبة )
( *حقول مطلوبة )