عـذروبها | سمو الشيخ حمدان بن محمد بن راشد آل مكتوم - فزاع

عـذروبها

طلـّت وجوّي بالفرح والسعد هَل

واستانـست عيني بشوف المحابـيب

طلّت وقلت البدر في أرضنا حل

الله .. كيف الطيّـب يجـيـك بالطـيب

بدر البـدور وعَـمّة الـزين والدل

آيـة جـمال وحـسن مابْها عــذاريب

عذروبها بس ان حكت تسحر الكل

والرمش لا سلهم غدى طفـلنا شيب

فيها شموخ ابطال وبها دلع طفل

وبها من اللي ما بكـل الـرعــابـيـب

وبها حلاوة قـد وبها خصر نحل

وبها عـيـونٍ تخـلط الحـق والـريـب

وبها صفاوة نفس وبها عطر فل

وبها ردوفٍ مثـلما مـهــرة كـلـيـــب

وبها نعـومة جـسم تحت الميـدّل

وبها اقول اسكت ترى يستوي عيب

تصفح بالعنوان

  1. 1

    فاطمة الهاشمي

    August 17, 2010 at 10:02 am

    وااااايد حبيت هالقصيدة ….. صح لسانك و تسلم اناملك على هالكلام الحلو

  2. 2

    ايه

    September 13, 2010 at 4:21 pm

    صح قصيده كثير حلوه وننتظر الجديد ربي يحفظك يافزاع

أرسل تعليقك

( *حقول مطلوبة )
( *حقول مطلوبة )