عوّضـوك بغـيابي | سمو الشيخ حمدان بن محمد بن راشد آل مكتوم - فزاع

عوّضـوك بغـيابي

عوّضوك بغيابي لا تقول انّي وحشتك

لا تـجامل دخـيـلك في شعـور يْعـنيني

بس يكـفي كـفـايـه لا تـمادى عرفـتك

خايـن الـحب مالـه في فـوادي حـنيني

إنت ياللي بعيني حلم عمري رسمتك

وكيف تجرح خفوقٍ يعشقك من سنيني

أحسبه زاد حبّي في غـيابي وحسبتك

ما تـجــاهـل ودادٍ كان بينـك و بـيـني

كم سهرت الليالي وكم ليله سهرتك

وكم ليـله خـيالك نـام في وسـط عيني

وكم قل لي دخيلك كم ليل انتظرتك

كم قـل لي تفـضّـل ، كم صدّك يجيني

كنت تـجري بدمّي لا نـزفـته نزفـتك

كنت ساكن خيالي ، داخلي محتويني

من كـتبت الحروف الأبـجديّه كـتبتك

لامه ان كان تبغي أوّل الـحـرف سيني

تصفح بالعنوان

  1. 1

    حوريه

    August 4, 2010 at 5:23 pm

    روعه يالغالي عسى الله يزيد بعمرك وبشباب قلبك وطيبته

  2. 2

    motasem alzadma

    August 16, 2010 at 9:44 am

    ابداع صح لسانك وتسلم وربي يخليك

  3. 3

    سنــــآ

    September 24, 2010 at 10:44 am

    صحـ لسانكــ ………………………………………………

أرسل تعليقك

( *حقول مطلوبة )
( *حقول مطلوبة )