عين الرضا | سمو الشيخ حمدان بن محمد بن راشد آل مكتوم - فزاع

عين الرضا

مثل جـميلي معك كمّـل جميلك معي

وانظر بعين الغضب والا بعين الرضى

تسمع عن الأخطل وتسمَع عن الاصمعي

لكـن أبا آسـمّـعـك شعـرٍ يهِـز الفـضا

لا تـدّعـي ظـلـم ..والله فـوق الـمـدّعـي

ياليـن تعـدل وتستوفي شْروط القـضا

ولا تـشتـكي قِـلـّة الإدراك قـبل الـوعـي

وخلـّيك واعـي وتدرك كل شيٍ مضى

حظيت بي وانت تدري ويش هو موقعي

لو كان غيرك حِمَد ربّه على انّه حظى

حرمتني صوتك اللي لا وصـل مسمعي

كـنّي أغنّي هجيني فوق عـوص النضا

وفـارقـتني والـمـفارق ما يـزيـد اوْجعي

لكن يـولـّع في جـوفـي نـار كـنها لضى

ويا صاحبي والشعر ماهو براس اصبعي

الشِعر احـاسيس قـلب لغـرامـك رضـا

وآنا مصحصح مَعَك خلـّك مصحصح معي

واعـشق بعين الغَـضَب والا بعين الرضا

تصفح بالعنوان

  1. 1

    حوريه

    August 4, 2010 at 5:31 pm

    روعه بس ماننسى ان الفنان ميحد حمد ابدع بالغناء وسمو الامير ابدع بالشعر

أرسل تعليقك

( *حقول مطلوبة )
( *حقول مطلوبة )