طيّـب القلـب | سمو الشيخ حمدان بن محمد بن راشد آل مكتوم - فزاع

طيّـب القلـب

يا طيّـب القـلب حكـّم قـلـبك الطيّـب

أخـّـرت غـيــرك وبعّــدتـه وقـرّبـتــك

ليه الـتـباعـد مع انـّـك دايــم قـريّـب

من وين ما آصد في عـيوني تخيّـلتك

ليه انت ناسي وذكري عندك مغيّب

تنسى وانا اذكرك وانسى اني تذكّرتك

صارحتك بما يكـن القـلب يا حبيّب

الظاهـر اخـطيت في ظنّي وصارحتك

لو باعزي الصبر دونك قال ما آثـيّب

المشكـله ياطويـل العـمـر .. مشكلـتك

الصبر شيّب وشوق القلب ما شـيّب

لا زال يـلعـب بقـلـبي كل ما شـفـتــك

كم احسن الظن فيك وترجع تخيـّـب

كــدّرت بالـي وانـا ما يـوم كــدّرتــك

الـيوم حتى شعـوري منـك متـريّـب

هـذا خـفـوقي يحــذرنـي وحـــذّرتــك

تصفح بالعنوان

أرسل تعليقك

( *حقول مطلوبة )
( *حقول مطلوبة )