شاعـــر إرتـجــــالي | سمو الشيخ حمدان بن محمد بن راشد آل مكتوم - فزاع

شاعـــر إرتـجــــالي

يا مرحبا يا مغـلـّط في تـليفـوني

مسموح مسموح والغلطات عفويّه

صفرين تسعه وسته سـته تموني

الرقـم هـذا فـتح خـط السـعـوديّـه

ثم قـلت لبّـيك آمر هـذي عـيوني

فتحت ذا القـلب والنيّـه على النيّه

خلّيت لك في الحنايا بصمه وْلوني

تفرق على لون دمّي في مجاريّه

وخلّيت لك يا حبيبي بيت فرعوني

يخربط الناس في الروحات والجيّه

وخلّيت لك في عيوني ركب وضعوني

تزعل وتنزل تحت جفـني وفوقيّه

يا صاحبي وان نشدني طيفك شلوني

أقـول طيّـب وطـيفـك فـيه ماريّه

ماريّـةٍ يوم تـقـبل تجـذب لحـوني

وآجـر له من لحون الشوق قافـيّه

بيّحت يا قاصد الغلطات مكنوني

وانا رومانسي أحب اهل الرومانسيّه

من دونك آعيش وانت تعيش من دوني

يالين أوحيت صوتك لعنبو حيّه

ضجّـت زوايا خفوقي وانـشد ركوني

وانا ولد شيخ لي هيبه وشخصيّه

الأرض أرضي وكون المرجله كوني

لكـنـّـه الحـب والعاشـق وطاريّه

تـكـفـون يا نـاس بالله لا تـلـومـونـي

الصـدفه اللي بلا مـيـعاد جـبريّه

سمـّـوني العاشـق المغـرم وسمّوني

الشاعـر اللي قـصايـده ارتجالـيّه

قـنابلٍ من فكـر راسـي ومضـموني

لكن قـنـابـل غـلا ما هـيب ذريّـه

وآغنـّي البيت متراكـب ومـوزوني

مبـدع ومجـنون وافـكاري خياليّه

يا نجـد ودّي أغنـّي بك على هـوني

حوريّة الأرض فوق الأرض نجديّه

تصفح بالعنوان

  1. 1

    الانثى الناعمه

    July 18, 2010 at 3:12 am

    صح لسانك

  2. 2

    maryam alqamzi

    November 3, 2010 at 5:08 pm

    واو حلوه القصيدة

أرسل تعليقك

( *حقول مطلوبة )
( *حقول مطلوبة )