شـاعـر مشـاعـر | سمو الشيخ حمدان بن محمد بن راشد آل مكتوم - فزاع

شـاعـر مشـاعـر

خلّ يوصل الخفوقك حب أو انـّك تجيه

كل ما اشوفك فلانه واتـردّد كيف اجيك

ردّدت نظرات عيني إعشقه أوموت فيه

وكل ما اطالع عيونك وارمي النظره إليك

سمّني النظره وقالت آه إسم الله عليه

من عنيه القلب يرسل نبضه لنظرة عنيك

من عنيك ارسال واضح تجبره بغمضة عنيه

وانت لو قصدك تذيكا في سكوتك أو حكيك

إبتسم لك وابتسم لي وبس هذا اللي أبيه

لا تخلّي الحب يذبح شاعرك ويموت فيك

خذ عيونه أو خفوقه والا اقولّك خذ يديه

يعني خذ شاعر مشاعر قصده الاّ يحتويك

لا تخلـّي القلب يهوى وتجبره بمدّة يديك

لا تغـزّل في عيونك عينك اللي تحتويه

ابتليتك حب واضح واضح انّي لا ابتليك

واعشقك يا شوق بلوى وبلوى انّي لا ابتليه

أعشقك يعني عشقتك من غلاوة والديك

واحضنك طفلٍ تدلّـع .. في خميلة والديه

أعجبك أو ما اعجبك كل واحد هيك وهيك

بس ردّك لي بسرعه قول لا أو قول هيه

وش عليك اللي يحبّك ياحبيبي وش عليك

وانت تبغي بس عامل نفسك انك ما تبيه

تصفح بالعنوان

أرسل تعليقك

( *حقول مطلوبة )
( *حقول مطلوبة )