ســــــــؤال | سمو الشيخ حمدان بن محمد بن راشد آل مكتوم - فزاع

ســــــــؤال

الأمر هايـل لكن ماني بْمتهـوّل

ولاني بْـمتصاعب وْلاني بْـمتساهل

أنـا أعـوّل عـلى الإدراك وآعـَــوّل

على هجـوسٍ من بْـحور الشعر ناهل

ياللي تسوّل ، ترى ماني بـْمتسوّل

لو للشعر مرتبه .. قـصيدي العاهل

يا مطوّل البال .. لكن الصبر طوّل

يا هل ترى وش نهايات الصبر يا هل

عندي سؤالٍ على لساني يبا يحوّل

ساعات أردّه ، وساعات أقول يستاهل

شهرين له في ضلوع الصدر يتجوّل

أذهل ويصحى وْيـصحّيني وانا ذاهِل

وشلون الآخر ولو جاهـل يصير اوّل

والأوّل شلـون يرضـا يتـبع الجـاهِـل

لو يبدي الراي شخصٍ ماهو مْخوّل

آراءه الـمستـطيشه تـثقـل الكـاهل

الناس متغيّره ، والوقت متحـوّل

وسنيننا تنتهي .. وهـلالنا ما هَـل

تصفح بالعنوان

  1. 1

    ابوي زايد وامي الامارات

    September 15, 2010 at 10:21 pm

    قصيدة قمة في الروعة حبيت معناااااااااااها بس استصعبت فهمها بس يكفي انها كتابات شيخنا حمدان

أرسل تعليقك

( *حقول مطلوبة )
( *حقول مطلوبة )