خـذ من الشاعر كــــلامه | سمو الشيخ حمدان بن محمد بن راشد آل مكتوم - فزاع

خـذ من الشاعر كــــلامه

لا تحـسب ورود تـنـثر لك غـلا وتـفـلـّه

والبحر عشرين  ونجومه  وضحك هلاله

تـعـتـقــد إنـّي أنا مـيّـت ..وانـا لا والله

آنـا لا مـيّـت حـبـيـبـي لا ولا الله قـالـه

لي يبي يقرب خـفوقي ما يجيني بـزلـّه

زلـّـةٍ أسـمح لها ومـن عـقـبـها بـزواله

كان عـندك هـرج باتـقـولـه لقـلبي قـلـّه

وش علينا  بهـرجة المسكين واللّي قاله

ما عرف شيّ ٍ في بالي لا بغيت اوصل له

ويــذكر اسمي  يومها وبحلـّه وبتـرحاله

من يحـب بحـب ضـايـع قـلـت الله شـلـّه

ضاع واللي ضاع  عـندي إحتياط بداله

والله لا آحذفه أنا ويصـير حـرف العلـّه

يالين ما يضحك عليه ابليس قبل عياله

لي مسج يكتب في بالي وعقبها أرسل له

ويدخل بـشاشات حبّـه وينحـرق  جوّاله

مـن خــبـالـه إلـخـبـالــه نـيـّــةٍ نـاوٍ لـّـه

ولا بغـيت ازيد شاف خبال غير خباله

أرفـعـه وارجـع أذلـّه وارفـعــه وآذلـّـه

لين أسـمع مـرّتـين بأذنـي ياهـي حـاله

ولو بغاني هو رقى لي والاّ انا ما انزل له

لا له انـزل لا له و لا ألـف من أشكاله

ذا طـريـقي من عرفتـك والطريق تدلـّه

والطريق اللي تدلـّه لازم ان تـسعى له

خـذ من الشـاعـر كـلامه والاّ حـبّه خلّه

أنا احـبّـك .. لا حـبيبي لا ولا الله قـاله

تصفح بالعنوان

  1. 1

    وأأحدـ منـ محبيكـ

    July 11, 2010 at 8:08 pm

    صح لسأنكـ يأ ولد بو حمدأن……،،، ليتني أقدر أكتب نفسك ..،، يعني أنأ أكتب بس ع قدي

  2. 2

    فزاعه

    August 10, 2010 at 8:09 pm

    رووووووووعه الشعر بس عجبني من البدايه مال يا فزاع يافزاع والاخير الضحكه هههههه

  3. 3

    فزاعه

    August 10, 2010 at 8:10 pm

    دوم ياربي الضحكه على شفايفك

أرسل تعليقك

( *حقول مطلوبة )
( *حقول مطلوبة )