دلال و مسند | سمو الشيخ حمدان بن محمد بن راشد آل مكتوم - فزاع

دلال و مسند

شـف دمعـتي تـنتحر لمواصـلك يا بْعَـدي

من كل دمعـه معي لهـفه تـسلـّم عليك

من عـيني اللي ذبحـها بُعـدك السـرمـدي

ومن قلبي اللي يبيع العالم وْيشتريك

يا اجمل صدف عمري لهجران ذكره ردي

لا تغـيب وتطـوّل الغـيبه وانا محـتريك

تـروي ضـما قـلبي اطـلالة ثـغـرك النـدي

سكنت قلبي ولا لك في الحـنايا شريك

ياطـول ليـلي ما بيـن دلالـي و مـسـندي

مشـتاقه يْـديني الثـنـتـين ضمّـة يـديك

تعال باموت في يدك وانت موت ف يدي

الموت لـذّه ما دام الموت منـّـك وفيك

غـلاك مهـره في ميـدان الملـوك تعـدي

تهز عـرش الملوك ويهـتويها المليك

يا سيّد العـشق لا يطول الهجـر يابعـدي

ترى عـيوني من اللهـفه تسلـّم عليك

تصفح بالعنوان

  1. 1

    عاشقة فزاع

    August 3, 2010 at 2:49 pm

    صح لسانك ياشاعر فزاع
    تعال باموت في يدك وانت موت ف يدي

  2. 2

    عاشقة فزاع

    August 3, 2010 at 2:54 pm

    صح لسانك ياشاعر فزاع
    تعال باموت في يدك وانت موت في يدي

أرسل تعليقك

( *حقول مطلوبة )
( *حقول مطلوبة )