ديمقـراطـي | سمو الشيخ حمدان بن محمد بن راشد آل مكتوم - فزاع

ديمقـراطـي

تصـدّق مابقى له شيّ في باله من ألافـكار

عجز يخفـيه في صدره كلام الحق ويلمّه

عجز يقطف ورود الفل ويظلم وردة النوّار

لاجل ما يكسب الآذان يطري له ولد عمّه

إذا ما عاش لـيله ليل ولاعاش النهار نهـار

ليا صبحه غـدى ليله ونور الصبح مظلمّه

واذا ماعاش مستـقبل يعيش اليوم بالتـذكار

يعـيش الحاضر الماضي يهمّه بس مايهمّه

ديمقراطي يعبّر عن كلامه عاش باستقـرار

يـومّ الـقـلب لافـكـاره واذا ومّ الـفـكر ومـّه

وانا ما جبتها لك سحب إلا في سما الأمطار

سـحابٍ لا بغى يمطر دمـوعه إندفـق دمّـه

سحابٍ من دموع الموت هالك يروي الأنهار

روى نهره ونبت وردٍ عجز يقطف ولايشمّه

جبل صامد قوي عزمه كبر حتى بدى ينهار

عقب ما كان في العالي تهاوى من على القمّه

بدى يصغر يالين أصبح حجر يلعب بيدين صغار

تبعـثر والطـفـل ينثـر حصاه ويرجـع يلـمّه

نصـيحه قـلتها إحذر تعـاكـس جارف التـيّار

صعب تامّن في بحر الوقت لاموجه ولا يمّه

ونصيحه لاتذيكا لك على ناس اذكيا شـطّار

ترى بعض البشر تحسب بلا روح وبلا ذمّه

وانا لا ماعـليّ الاّ أقـول الحـق مهـما صـار

تريـد الحق خـذ قولي ولا تاخـذ ولـد عـمّه

أنا قلت النصيحه لك واعـيد الدار غير الدار

وافـاعـيها تـريـّا بـس لحظة غـدر وتسـمّه

أنا ماجـيتها لك سحـب إلاّ في سـما الامطار

واذا زمّ البحـر مـوجـه لك الله ردّها زمّـه

تصفح بالعنوان

  1. 1

    فزاعه

    August 10, 2010 at 7:33 pm

    انا حالفه ما اطلع من هني الى لمااختم القصايد كلها هههههههه صح لسانك يا فزاااااااعو

  2. 2

    بسمة المغرب

    October 28, 2010 at 7:02 pm

    جبل صامد قوي عزمه هو انت ياطويل العمر حمدان

أرسل تعليقك

( *حقول مطلوبة )
( *حقول مطلوبة )