حَمَـام الاحـباب | سمو الشيخ حمدان بن محمد بن راشد آل مكتوم - فزاع

حَمَـام الاحـباب

بغـيـت اعـلّمـك قـبل تـروح يا خِـلّي

إن ازعـلك صار هاليوميـن بـزيـاده

كنت احـسـبك كل ماصـدّيت متـغـلّي

بس للأسف صار هذا الطبع لك عاده

بيني وبينك .. أشوف البعـد أسهل لي

خلاص أبا ابعد مادام ان عندي اراده

أصفيت لك واحسب انك كنت صافٍ لي

تبغي الحقيقه.. كرهت الحب واجهاده

من شمس هجرك ما عاد يفيدني ظلّي

وش فيه قلبك .. يزيـد فـْ لـيني عـنـاده

وهـو من اوّل إلى من جـيـتـه يـهـلّي

ويحـط لي في حـنايا القـلـب سـجّـاده

ويـشـاغـب نجـوم أهـل اللـيل ويـملّي

ويفتح لي ابواب حصنه وادخل بلاده

وانا اتـركـه في ربـيـع الخافـق يفـلّي

مـشاعـري كـلّها لـرضـاه مـنـقــاده

يا كبر جـرحي من الهجران يا غـلّي

ما عـاد جاني من الأحـبـاب نـشـّاده

حمام الاحـباب ..سـلّم لي على خِـلّي

لان ازعـله صار هاليـومـين بزيـاده

تصفح بالعنوان

  1. 1

    حروف

    September 15, 2010 at 1:19 pm

    وربي عندك حق يا استاد فزاع صح لسانك شكر
    لنك تعبر عن شعور غيرك

  2. 2

    علاء عبدالله صالح

    September 23, 2010 at 3:58 am

    رائع رائع يا شيخ الإمارات و شيخ كل العرب
    انا من سوريا و سمعت هالقصيدة بصوت حسين الجسمي
    رائعةجدا و اشكر كل من ساهم في بناء هذا الموقع
    الشيخ يستاهل شبكة بحالها مو بس موقع
    الله يعطيكو العافية عن جد
    و سلامي للشيخ حمدان و طول الله بعمره و ننتظر روائعه الجديدة بإذن لله

أرسل تعليقك

( *حقول مطلوبة )
( *حقول مطلوبة )