حـمايـــم | سمو الشيخ حمدان بن محمد بن راشد آل مكتوم - فزاع

حـمايـــم

شوقي حـمايم والغناوي ربـابه

غنـّت على لـحـن الربـابه حـمايـم

ياصاحبي بعـض النوايا تـشابه

والفعـل يـفرق بيـن بـايـع وسـايم

ياللي حبيبك فيك زايـد عـذابه

دايـم عـلى بـالـه ولـو كـان نـايـم

قربـك سعـاده والـمفـارق كـآبـه

مشـاعـرك ورد وْ غـرامـك نـسـايـم

عـزمت قـلبك للغـلا والـرحـابـه

لو كـان ما بيـن الـحبايـب عـزايـم

لو خافـقك يفـتح لـ ( فزاع ) بـابـه

لقيت قلبه عن هوى البيض صايم

ولو ان احاسيس القـلوب تـشابه

سـمحت لي كـل الذنـوب العـظايم

القلب لك روضٍ خضر ما وطا به

إلا غـــــلاك اللي أحـيّـيـه .. دايـم

إعـذر حـبيبك لو يطـوّل غـيابه

من طـوّل الغـيبـات جـاب الغـنايم

تصفح بالعنوان

أرسل تعليقك

( *حقول مطلوبة )
( *حقول مطلوبة )