حلـوه مــوت | سمو الشيخ حمدان بن محمد بن راشد آل مكتوم - فزاع

حلـوه مــوت

هـذي عـسى ربّـي يـسامحها

والاّ أنـا مـانـي مـســـامـحـها

إتـحـاول بْـأطـرافـهـا تـسـتـر

وهو اللي أكثر شيّ يفضـحها

إن اجـلـسـت يورّد الكـرسـي

تـوقــّـف الـدنـيـا مـسـارحـها

لانها خـلاصـة فـتـنة الفـتــنه

ألله يا مـاحـلاها ومـا امـلحها

ولا مشت على الرصيف يقول

ياكوس تكفى هـب واطرحها

آيـه مـن آيـات الـلـه الـعـالي

كل شـيّ يـتمـنـّى يـصـافـحها

الحزن يضحـك كل ماتحـزن

والفرح يـبكي كل ما افـرحها

ألله يـحـفــظـهـا ويـحـمــيــها

وألله يـهـديـهـا ويـصـلـحـــها

ترخصني احـياناً وتجرحـني

وانا اللي أغليها ولا اجرحها

أحـبـّها بـجـنــون وبـطـيـبـي

تـزعـلني وانا اللي أصـالحها

قـولوا لها يا اهـل الجـنوبـيّـه

تـرى الجـفا ماهـو بـصالحها

باتخـسـر الإنـسـان والـشاعر

إللـي يـقـــدّرها .. ويـمـدحها

بعـض الغلا كتمانه احسن له

يالـيـتـني ما كـنت اصـارحها

الحـب له سـلـطه وله هـيـبـه

واشـياء لا يـمـكـنـّي أشرحها

لئيمه .. تـدري انها جـنونـيـّه

ودّك بعـض الاحـيان تـذبحها

من كثرماهي حلوه موت تحس

هي اللي مخـتـاره مـلامـحـها

تصفح بالعنوان

  1. 1

    فاطمة

    July 20, 2010 at 4:28 pm

    لئيمه .. تـدري انها جـنونـيـّه

    ودّك بعـض الاحـيان تـذبحها

    حبيت هذا البيت

    صح لسانك يا فزاع

  2. 2

    عاشقة فزاع

    July 22, 2010 at 9:22 pm

    قصيدة رووووعه الله
    أحبك ….. موووت فزاع

  3. 3

    حوريه

    August 4, 2010 at 5:51 pm

    روعه سمو الامير يعطيك العافيه

  4. 4

    فزاعه

    August 10, 2010 at 8:14 pm

    الله الله تخبل الكلمات والاغنيه بعد مااقول الا صح لسان فزااااااااااااااع

  5. 5

    نيران

    November 25, 2010 at 12:00 am

    حلوه موت روعه ما بتفاجئ لانه اكيد فزاع

أرسل تعليقك

( *حقول مطلوبة )
( *حقول مطلوبة )