ثــقـة زايــــــد | سمو الشيخ حمدان بن محمد بن راشد آل مكتوم - فزاع

ثــقـة زايــــــد

قصيدة مهداة إلى الفريق الركن طيار سموالشيخ

مـحمــد بن زايــــد بــــن سلـطــان آل نهـيــــان

لأن الله خلق للمجد من روس الرجال رجال

ماهوب كل المتون اللي تزمّ الحمل تقوى له

ولا يقوى على حمل التعب ويحقـّق الآمال

سوى ( محمد إبن زايد إبن سلطان ) وامثاله

يمينه فخر واكرام ويساره عز واستـبسال

ولا منـّه فـعـل يـشهـد لـه الـتاريـخ بافـعـاله

ولا منّه وعد يوفي ولا من قال قال وطال

يعـزّ المجد لا قال ويزيد المنـصب ان طاله

يقولون الفخر له لو لبس فوق الجبين عْقال

وانا اقـول الفـخر ماهـوب له الفـخر لعـقاله

هذاك اللي زرع له فـ القلوب الطيّبه تمثال

تمنـّت كل نجـمه تـوصـله وتصـير تـمـثاله

لأن اللي مثـل قـدره ليا منـّه رقـى وانهـال

يطيح من الثرى صوب السما والنجم يرقى له

وليا من عوّدت للفخر بالأعـمام والأخوال

يجـمّـلها من الصـوبيـن باعـمامه وباخـواله

كثير افضال وشوي ان وصفناه بكثير افضال

حـشا نفس الفـضايل نفسها ما تعمل اعماله

إذا الله خالق العِـزّه مراتب والعـباد خصال

أبااعرف هو بقى يااهل الخصال اكرم من خصاله

كثيرٍ .. ما بعده الا المطر والغيث والهـمّال

غـزيرٍ .. ما حـسده الا البـحر والمـوج واهواله

قويٍ .. ما يهاب من الحدو والخيل والخـيّال

شـجـاعٍ .. يرعـب قـلـوب العـدو لو إنـّه لحـاله

إذا عرش البـطوله ما يليق الاّ على الابطال

من ابطاله إذا إنتم يا ( محـمد ) ما انتم ابطاله !؟

هنيّالك ثقة ( زايـد ) سند واسم وذرى وظلال

وهـنـيـّالك على حـمل الـثـقة واسـمك هـنيـّاله

خذ حروفي وانا ( فزاع ) ما عقب الجزال هزال

لأنّ الـشـعـر بامـثـالك تصـير هـزالـه جـزاله

قصـيدٍ ينذبح يفـداك ، تـنعاه الرفـوف اجـيال

وحـرفٍ ينـولـد لـرضـاك يحـلا لك وتحلا له

رعودك أكـّدت للغـيم إن اصل المطر رجّال

سجـودك .. يثـبت ان الـدين يبقى صلب برجاله

وجودك .. أثبت ان الله خلق للعنفوان اشكال

صعـودك .. أثـبـت ان اللي تـناله ما حَـدٍ ناله

أعرف ان السـنين تـزول لكنّ الأمل لا زال

وقـليل من المـتون اللي تـزمّ الحـمل تقوى له

ولا يقوى على حمل التعـب ويحقــّق الآمال

سـوى ( محمد إبن زايد إبن سلطان ) وامثاله

تصفح بالعنوان

أرسل تعليقك

( *حقول مطلوبة )
( *حقول مطلوبة )