بيت في حرف | سمو الشيخ حمدان بن محمد بن راشد آل مكتوم - فزاع

بيت في حرف

متى ما ينوزن لك بيت لكن يختـفي لك حرف

متى كل ما يجي لك حـزن لكن ما تـبي تلمّه

متى كل ما تـشوف العـين عـينك دمعها يذرف

متى كل ما يجيك صديق خايف من بني عمّه

متى ما زادت حمولك ع ظهرك ولاتروم تخف

متى ما تنقطف الازهار وريح الزهر ما تشمّه

متى ما هم عزوك الناس حتى عرق جدّك قَـف

متى يحـتار بـني آدم ما بيـن الـشـك و الذمـّه

متى ما اهتزّوا الشجعان بطاري الموت في موقف

متى ما تـلتـقي الاعـدا تـشوف الـناس ملتمـّه

متى ما يضحـكوا لك ناس لكن بْـحجـاجٍ عكـف

هـذاك اليـوم بنـي آدم يبـي يتـبـرّا مـن دمـّــه

أحس الشوق لي فيني مثل هذا ويزيده رضف

إذا المـيعـاد يتـخالـف وهو الميـعاد ما يـتـمّـه

حبيبي لا تزيد البيت ولا لا تنقـصه في حرف

أنا ويّـاك نتـراضى ونعـيش الـحب في القمـّه

تصفح بالعنوان

  1. 1

    فاطمة الهاشمي

    August 2, 2010 at 6:39 pm

    صح لسانك

أرسل تعليقك

( *حقول مطلوبة )
( *حقول مطلوبة )