أول انسان احبّه | سمو الشيخ حمدان بن محمد بن راشد آل مكتوم - فزاع

أول انسان احبّه

لي صاحب من اوّل إذا قمت اناديه

الشوق من بين المحاني يشبّه

تقول لي لبّيه .. لبّيه .. لبّيه

وانا اتفدّى به مع كل لبّه

واليوم شكله ضايق ٍ ما اعرف ش فيه

من الوصل ريح المفارق تهبّه

لو كان ضاق بسبّه .. اجيه وارضيه

المشكله ضايق ومن دون سبّه

ياهيه .. يامغرور .. ياهيه ياهيه

هذا ترى ماهو نظام الأحبّه

لو قالوا العذال وش إنت تبغيه

أبغيه رمز ٍ للوفا والمحبّه

أبغيه دايم كل ما مر طاريه

أغيض به عذالي اللي تسبّه

سولف معي لكن من دون تشبيه

ما بيني وبينك شبه لا تشبّه

إنته تقول انا آخر انسان تغليه

وانا أقول انت اوّل انسان احبّه

تصفح بالعنوان

  1. 1

    حياةنونة

    November 6, 2010 at 12:13 am

    ماشاء الله صح لسانك

  2. 2

    ألمــــاس

    November 9, 2010 at 5:16 pm

    تجننننننننننن حلوة مرررررة

  3. 3

    عبدالله سالم

    November 10, 2010 at 12:52 pm

    صح لسانك والله
    مو محتاج تعليق ابد
    كامل والكامل الله سبحانه
    يعطيك العافية

أرسل تعليقك

( *حقول مطلوبة )
( *حقول مطلوبة )