الشـاعر اللـي | سمو الشيخ حمدان بن محمد بن راشد آل مكتوم - فزاع

الشـاعر اللـي

الهَرج فضـّه والذهب ما يشبهه غير السكـات

والطيّـب آقـدّر سـواليفه واحـسّب منطـقه

والشاعر اللي ضاقت بوجهه وسيعات الجهات

وش فيه شخْـصِيَّـتـْه مهتزّه ولا عنده ثقـه

حنـّا سرجنا الريح .. لا تفخر بسرج العاديات

وشوف الزمـان اللي يسابقـنا قدرنا نسبـقه

ولا نـحـب الثرثـره والـمعـمـعـه والإلتفـات

والكذب ليله ينجـلي والحق شمـسه مشرقه

ما يـصنع الإنـجـاز رجّـالٍ بلا عـزم وثـبـات

الانـجاز يبغى له جبـينٍ يـروي الخـد عـرقـه

طموحنا يسمو على بدع القصايد في البنات

واكبر من بيوت القصيد اللي على صدر ورقه

حنـّا نفـكّر نجـمع التاريخ من بعد الشتات

وانته على الـماضي عيونك كل يوم مْبلّقـه

الاسـماء والألقـاب والتقدير وانـواع الصفات

ينعـم بها ربّي على عـبده واذا شـاء ارزقـه

واعذب من النهرين نهر النيل أو نهر الفرات

طـمـوح رجّـالٍ تـحـدّاه الـزمـان و حـقـّقـه

لا ترتـفع يا طـيرنا بيـن النجـوم السـاريـات

ويعاندك صلف الهوى والشمس ريشك تحرقه

لا تحـسب انّك معجزه .. إلا خليفة معجزات

تراك إنـسانٍ ذنوبـه كـل ما امـسى تـورقه

وْلا تفلك البندق ما دام انّك تهاب الإنفـلات

تركـت للرعـيان ما يـصمل ويفـلك بنـدقه

وانا اعرف عيال الفقارى واعرف عيال الذوات

مثل البحر يغرق عباد الله وهي ما تـغرقه

أبوي علـّـمني ما اسولف غير بالشيّ الثـبات

لو موتتي بالسيف والبندق وحبل الـمشنقه

ياليت ما انت بْحَرف في غصن شْجَرَة سَبْع اللغات

إللي تـقـول جـذورهـا للنـصر لا للـتفرقـه

ياليتك اللي مت واللي مات للحـينه ما مات

وعساك فدوة سندسه وْديباجته واستبرقه

تصفح بالعنوان

  1. 1

    فزاعه

    August 11, 2010 at 7:04 pm

    ونعم بو راشد خلك كذا قوي ولا يهزك كلام العذال

  2. 2

    فزاعه

    August 11, 2010 at 7:12 pm

    وصح لسانك طويل العمر فزاع

أرسل تعليقك

( *حقول مطلوبة )
( *حقول مطلوبة )