الـموعـد | سمو الشيخ حمدان بن محمد بن راشد آل مكتوم - فزاع

الـموعـد

جيتك على الموعد ولا جيت

وش عـن لـقـانا مانـعـنـّـك

كنـّك عـن الموعـد تخـلـّــيت

يا ويــل ياللي عـاشـقـنـّـك

ليتك لصوت المغرم اصغيت

أوتـار صـوتـه يـعــزفـنـّـك

كل حرف منّـك يسـتوي بيت

واربـع حـروفٍ ينـطـقـنـّك

ياما على شـانـك تـحـدّيــــت

سـود اللـيالي واسـهـرنـّك

منـّك أنـا لا حـيّ لا مـيــــت

لا مـيّـــت وْ لا حـيّ مـنـّـك

يـوم بـنـظـر عـيني تـربـّيت

وامـرت بامـرك طايـعـنـّـك

ليـش الـتغــلـّي والــتعـنـّيـت

آهـات صـدري ما كـفـنـّـك

لونـك تـبـاعـدت و تقاسـيت

لك في المحبّه عكس ظنـّك

إن كان لي يـوم وتمـنـّـيــت

شـوفـة عـيـونك طالـبـنـّـك

تصفح بالعنوان

أرسل تعليقك

( *حقول مطلوبة )
( *حقول مطلوبة )