القضا بالقضا | سمو الشيخ حمدان بن محمد بن راشد آل مكتوم - فزاع

القضا بالقضا

لاتـحاول تعـيد بدمعـتك ما مضى

ماتداوي دموعك جرح طول البعاد

إنتـهى الحـب ياللي بيننا وانقـضى

ولا بقى لك بقلبي غير ذكرى وداد

كنت اجيك بخفوقٍ فيه حبّ ورضا

وكنت انته حبيـبي غايـتي والمـراد

وكنت اشوفك حياتي جوّها والفضا

وكنت يومٍ تغيب آموت همّ و نكاد

بس خذها بصراحة القـضا بالقضا

ذوق كاسٍ شربته منك إسمه عناد

يرفض القـلب مثلك به ودادٍ حـظا

دامه انـسان مثلك قطعةٍ من جماد

ما تعيش المشاعر في خفوقٍ فضا

كيـف تبـني ودادٍ له عـنادك عماد

يا فقير المشاعـر ، ياشتات الشظا

المحـبّه بوادي ، وانت والله بـواد

تصفح بالعنوان

أرسل تعليقك

( *حقول مطلوبة )
( *حقول مطلوبة )