بــرج العــــرب | سمو الشيخ حمدان بن محمد بن راشد آل مكتوم - فزاع

بــرج العــــرب

في عـبارات العـيون أشـيا كـثيـره تـسألك

دمعـها حـكي وْنـداهـا بَلـّـل الخـَد الـنـدي

ما قدرت ارضي غرورك واستحيت آزعّلك

كلـما لك وانت تـنهـيني وانـا ارد ابـتـدي

دام نظـراتـك مـدارات وْرجـا قـلبـي فـلك

كم عن برج العرب يبعد مدى برج الجدي

قلـت تـقريباً عـدد ما عـاشـق بحبّـك هـلك

تقصد الاّ اعد نص جروح قلبي يا بْعدي

قـلت لك لا لا تـرد تـقـول لي ما قـلـت لك

المشاعر ما تنام الا انت قلت لها ارقدي

وانت يوم الله عطاك احلى الوصوف وكمّلك

كيف تتركني على شطك وانا قلبي صدي

والله ان عـروق قـلـبـي كـلـّها تـرتـاح لك

ليتك الاّ مثـل ما خذت بـْيدك خذت بـْيدي

من لمست ايدك وانا اتـفدّاك واتـفدّى هلك

ما دريت ان الهوى والعشق باللمس يْعدي

تصفح بالعنوان

  1. 1

    روحي بلقاك تفز فزة حمامة

    August 14, 2010 at 12:26 pm

    يسلمو والله انها جنان

أرسل تعليقك

( *حقول مطلوبة )
( *حقول مطلوبة )