أنـا و عيني | سمو الشيخ حمدان بن محمد بن راشد آل مكتوم - فزاع

أنـا و عيني

أنـا وعـيني نشـتـكي منـّـك الـيـوم

ونقـول وينـك غـبت يا نور عيني

دونك ترى العالم من الفرح محروم

ماتدري انك صرت فرحة سنيني

شوفـتـك منها تـنجـلي كل الهـموم

وان غـبت عـنـّي كنـّها نـار فيني

أهـواك من يـومٍ تحـيده إلى الـيوم

والـيـوم حـبّـك يالغـلا محـتـويـني

يا ملهـم الشـعّـار يا ورد مـشـمـوم

يا حـب في وسـط الخـفايا دفـيـني

وجهٍ بشوش وعين نجلا ومهضوم

خصـره ، ونهـدينه كما ثمر تـيني

هـل كيـف ما احـبّه أنا كيف ياقـوم

ما دام حـســنه صار بيـنه وبيـني

حسـنه غـريب ونادر وشيّ محسوم

من ناظر بحسـنه يجيه الـ.. يجـيني

تصفح بالعنوان

  1. 1

    مهاب علي

    July 9, 2010 at 4:45 am

    الله الله الله ابداع يا فزاع

  2. 2

    soso

    July 26, 2010 at 10:27 pm

    الله يحميك ويحفظك ويخلك النا يا تاج الراس ♥♥♥♥♥♥♥♥♥♥♥♥

  3. 3

    فاطمة الهاشمي

    September 10, 2010 at 10:33 pm

    اكيييييييييد حلوة

أرسل تعليقك

( *حقول مطلوبة )
( *حقول مطلوبة )