أوراقـــي | سمو الشيخ حمدان بن محمد بن راشد آل مكتوم - فزاع

أوراقـــي

لو طوّل الصدّ وغـصون الوله يبست

مرّي وشوفي وش المكتوب باوراقي

عـبراتي اللّي بوقـت فـْراقي انحـبست

وانتي تـقـفـّين .. مايعـني لك فـْراقـي

السـاعه اللّي على حَطّـتك من لبـسـت

هي آخـر اللي بقـت للعـاشـق الشاقي

نار الغـلا رمّـدَت وان جيتي انقـبـست

كأنـّـك فـْ جـيّـتـك تـسـعــين لاحـراقي

والنجمه اللي تحت ظل السما اندبست

قالت لا طال السهر قل لي وش تلاقي

ماغـير امـور بـوسـط الخـافـق انكبست

تـراكـمـت يـوم زاد الصـد باعـمـاقـي

يازيـن الايّـام مثـلي شـرهـت وْعـبست

ماباقـي الاّ الهـجـر .. ياخـيـبة الـباقي

ما الوم أغـصـان قـلبي يومها يـبسـت

لانـّك رحـلـتـي ولا فـتـّـشـتي اوراقـي

تصفح بالعنوان

  1. 1

    عاشقة فزاع

    July 17, 2010 at 10:45 pm

    صح لسانك وربي يحفظك ييا الشيخ الشباب
    أحبك مووت

  2. 2

    شوق الإمارات طوني

    July 25, 2010 at 9:11 am

    كلمات تهدر منها العسل~.~.كلمات تمتاز بقائلها~.~.كلمات تتميز بكاتبها

أرسل تعليقك

( *حقول مطلوبة )
( *حقول مطلوبة )