إنتـبــاه | سمو الشيخ حمدان بن محمد بن راشد آل مكتوم - فزاع

إنتـبــاه

يا بحر انا سـبّاح وآغـوص وآعـوم

واطـلـق شـنب أقـدر أشـد انتـباهه

وجـاهـتي إنـّي ورث إبـن مـكـتـــوم

واملك من وصوف النـباهه نباهه

والاّ الشِعـر تصوير عن واقع اليوم

لا تـعـتـقــد إنـّـي كـتـبـتـه وجـاهه

ويا نايمين اصحوا ترى كثرة النوم

بـابٍ من ابـواب الكـسل والبلاهه

كم واحدٍ في الأرض ضايق ومحروم

وعينه على جيب الغني وبشراهه

والناس ترحـل بس وجـه الله يْـدوم

والشح في قـلوب المهابيـل عاهه

والطيّـب بْطـيبه مع الناس مـلـزوم

وبخـيل من يبخـل عـليهـم بجاهه

آطـيـح لعـيـون الرجـاجـيـل وآقـوم

وآقـول من باهـاك يا قـلـب بـاهه

يمكن أحصّـل لي من الناس زيزوم

يـشـد انتـباهي قـبل اشـد انتـباهه

تصفح بالعنوان

  1. 1

    شوق الإمارات طوني

    July 25, 2010 at 9:04 am

    انتباه
    يابشر فزاع مامن من مثله قووووم

    صح لسانك

  2. 2

    ايه

    July 31, 2010 at 4:31 pm

    قصيده روووووووووووووعه ولو انت فزاع ما تقول الا الروعه

أرسل تعليقك

( *حقول مطلوبة )
( *حقول مطلوبة )