الـجــروح | سمو الشيخ حمدان بن محمد بن راشد آل مكتوم - فزاع

الـجــروح

ألله خلق لي نفس تسـمو على البوح

ماهـيب لا ضاقـت من الهـم باحـت

على كثر ما شفت ضيقات وجروح

لا الوجه متغـيّر ولا العـين صاحت

أبـشـّرك .. بـشـارة الـروح للـروح

تـبي تطـيّحـني اللـيـالي و طـاحـت

هـذا أنـا والـوجـه باسـم ومـشـروح

وجهٍ بروقـه لمعـظم الناس لاحـت

كم محزم ٍ بنى على شـوفه صروح

وكم نفس من طارف عطاه استراحت

ألله وهـبـنا عـز و امجـاد و طمـوح

وذكـر ٍعـلى جـدران الايـّـام ناحِـت

هذي مراجل ماهي بضحك ومزوح

ماهي شموعي لا ضوا الصبح ساحت

الصـفح خصله والفخر ماله صـفوح

والحزن لا سيطر على الروح ناحت

بعض الجروح تجي لك شوي وتروح

وبعض الجروح ان جات ماعاد راحت

تصفح بالعنوان

  1. 1

    شوق الإمارات طوني

    July 25, 2010 at 9:29 am

    صح لسانك وتسلم ومهما نقول مانوفي في حقك ولا حق كتابك

أرسل تعليقك

( *حقول مطلوبة )
( *حقول مطلوبة )