أنصـاف الحــلول | سمو الشيخ حمدان بن محمد بن راشد آل مكتوم - فزاع

أنصـاف الحــلول

لا.. لا تـعــاتـبــني إذا فـرعــها مـال

فـرع العـتـب بين المحـبّـيـن منـشول

أبطت وهي تبرق وانا اخص واختال

مزن العـذر واشرب خطاها ولا اقول

وتـكـيلـني وتكـيل غـيـري بمـكــيـال

تخـلـط حنيـن الـذود وصهـيل الخيول

لا عـنـدنا حـيـلـه ولا ودّي احـتـــال

قـولي كـما فـعـلي وانا آقـول وآطـول

وآطولها لو هي من الصعـب تنطال

عزمي على طرق الصعـيبات مفتول

يـامـا تـردّى فــارس بـزمـّـة جـبـال

من عقب ما جال وضرب عرضها طول

من عقب ما جال وظما صدّق اللال

واللال يـكـذب والـملا تـمـلك عـقـول

غـلاك لـي لا تـتـركـه بـيـد عـــذّال

بعـض الغلا ما يقـبل انـصاف الحلول

تصفح بالعنوان

  1. 1

    ابن الاردن

    July 17, 2010 at 7:00 pm

    ما شاء الله ذوووووق والله

    صــــح لسانك و سلمت يمناك

  2. 2

    شوق الإمارات طوني

    July 25, 2010 at 9:06 am

    تسلم صح لسانك اكثر من رائع
    قواك الله

أرسل تعليقك

( *حقول مطلوبة )
( *حقول مطلوبة )