الـبــدر | سمو الشيخ حمدان بن محمد بن راشد آل مكتوم - فزاع

الـبــدر

هذا هو البدر والاّ البدر ابن عـمّه

في عـلم انا والاّ هـذا اللـيـل وحـلومـه

إن كان للحـسن قـمّـه هذي القـمّـه

والاّ عـسى الحـسن كلـّه فـدوة قـدومه

أقبل يضم السهر وعـيوني تضمّه

ما ادري من اللي من الثاني سرق نومه

كن الوصل دنيتي يوم الوعد تـمّه

وكـنّ الوعـد جـنـّـتي دام الوصل يومه

ما الوم من لامـني في حـبّه ونمّـه

حـتى فـوادي ولو يـشـكـيه مـا الـومـه

إذا تـكـلـّم يـغـار العـطـر مـن فـمّـه

سـوالـفـه كلـّها بالـمـســـك مخـتـومـه

ياليت لى هـمّـني من نظـرته هـمّه

عـينه خذت نظـرتي قـبل آخذ عـلومه

أبطا يسولف عن الطيب وحنان امّه

ما يـدري انـّه بـقـلـبي وثـّـق سـهـومه

ما يدري انّه علاج العاشق وسمّه

وان القـصايـد على طـاريـه منـظـومه

طالعـت في ساعـته ردّ ورفـع كمّه

لا ساعـته قـصدي ولا قصدي ختومه

ما قصدي الاّ الغلا لى ساقـني يمّه

أحيان ارومه وبعـض احيان ما ارومه

لولا الحـيا والاّ انا في ذمّـتي ذمّـه

لا غزي على روض رمّانه ومشمومه

تصفح بالعنوان

  1. 1

    ايه

    July 31, 2010 at 4:46 pm

    ما يدري انه علاج العاشق وسمه حلو هالبيت قصيده اكثر من رائعه لانسانه اكثر من رائعه اكيد لي مغروره واحب غروري لالالا اكيد من انسان اكثر من رائع فزاع عاشقة فزاع

  2. 2

    فاطمة الهاشمي

    August 20, 2010 at 8:50 am

    القصيدة قمة في الروعة … تحياتي

أرسل تعليقك

( *حقول مطلوبة )
( *حقول مطلوبة )