ألف عام | سمو الشيخ حمدان بن محمد بن راشد آل مكتوم - فزاع

ألف عام

ما يفـيد الكـلام ولـو أبا احكـي كـلامي

كيف اعاتب خفوقي وما يفيد الكلام

من زرعته في قلبي صار كل اهتمامي

طار بي فوق هـامه ومرّ بي ألف عام

قمت احس الخفوق ونـبضها في عظامي

بعـظامي نبـضها وكسرت بي العظام

وآنا احب الليالي واعشق اعشق ظلامي

وآنا ما قـمـت امـيّـز نـورها من ظــلام

بـاحـتـرامٍ أجـيـها ورجـعـت بـاحـتــرامي

وآنا أكـتب بـدمّـي إسمـها بـاحـتــرام

قمت انادي إسمها وانسى كل الأسامي

واسمها في إسمها م الأسامي الكرام

لام ميـمٍ ويـاءٍ والألـف في الخـتـامـي

وعقـبـها هالله هالله ويا سلامٍ سـلام

ألف عـامٍ قضـيـته و ألـف عـامٍ أمـامي

ورجّعتني في عالم شوق برّ  وخـيام

تصفح بالعنوان

  1. 1

    حوريه

    September 13, 2010 at 1:28 am

    يسلمووووووووووووووووووووو يالغالي

أرسل تعليقك

( *حقول مطلوبة )
( *حقول مطلوبة )