أفـا والله أفـا | سمو الشيخ حمدان بن محمد بن راشد آل مكتوم - فزاع

أفـا والله أفـا

لا تعـاتـبني على مزحـي معـاك

وتـعـتـبـر مـزحـي وسـيـله للـجـفا

لو خطاي وْمزحتي كانت خطاك

كـان قـلـبـي يا حـبـيـبــي قِـد عـفـا

لان قلبي مطـلبه يكـسب رضاك

وعاهـدك يا صاحـبي عهـد الـوفـا

عاهدك ما يعـشق انسانٍ سواك

وْعن جـميع الناس شايـم واكتفى

إكـتفى بك إنت بالـذات وْعـطاك

أصـدق الإحـساس والأعـظـم خفا

كيف تجـفي صاحبٍ ما قد جفاك

وْ في غيابك طرف عينه ما غفى

ينتظر وصلك يبي عَـلّ وْ عساك

تـسمـح الـزلـّه وْخـفــّاقـك صـفى

لـدّني بَـردك وانـا احـتـاج لدفاك

حاجـة الـقـطـب الـشـمالي للــدفا

إنت غالي وْ ماحدٍ ياصل غـلاك

لـو تـجافـيـني .. وتـعـطـيني قـفا

واللـيـالـي مالهـا معـنـى بـَــلاك

والـمـفارق جـرح .. واللقـيا شفا

ما هقيت ان ترمي الماضي وراك

بـس ذا الـمـرّه أفـا …  والله أفـا

تصفح بالعنوان

  1. 1

    فتاة عربية

    July 15, 2010 at 1:11 am

    قصائد جديده لاول مره اقراها

  2. 2

    عاشقة فزاع

    July 17, 2010 at 9:15 pm

    رووووعة يا فزاع صح لسانك يا شيخ الشباب

  3. 3

    دلووعه كويتيه

    July 28, 2010 at 9:06 am

    صح السانك وننطر الافضل من جذي

  4. 4

    ايه

    July 31, 2010 at 4:06 pm

    صاح مش راح نعفي عليك ليش تمزح معي هكي معناها تستاهل الجفا خليك في البرد وخليك صقعان ما راح يجيك الدفا مو حقيقه ها بس حبي نمزح صراحه قصيده رااااااااااااااااائعه بكل ما في الكلمه من معني عاشقة فزاع

  5. 5

    قررت اموت بحبك

    August 10, 2010 at 1:05 am

    بتجنننن الله يحيميييييييييييييييييييييييييييييييك ويحفظك روووووووووووووووووعة

  6. 6

    امولج القدر

    August 17, 2010 at 4:23 pm

    القصيدة بتجنن تسلم اليد الي كتبتها………

  7. 7

    ودوووم

    October 28, 2010 at 8:10 pm

    وااااااااااااااااااااااااااااااااااااااااااااااااااااااااااااااااو ابداع هالانسان

أرسل تعليقك

( *حقول مطلوبة )
( *حقول مطلوبة )