إسـتجـواب | سمو الشيخ حمدان بن محمد بن راشد آل مكتوم - فزاع

إسـتجـواب

الوصـف فـن يْـليـق بام الـوصـايف

هيّا معي نسـتجوب الوصف هـيّا

من نحـرها لى خـصـرها للـردايـف

ما تمـنعـك شـيمة عـرب أو حميّا

إلى اقبلت في الحفـل والجـو كايف

وتـقـول : من قـدّي يجـيني هنيّـا

ضابط على الأفراد يعـطي وضايف

ياعـسـكـري ثـابـت تهـيّـا .. تهـيّا

ورموشها حـد السـيوف الرهـايف

مقـرونة الحاجـب وطـلقـة محـيّـا

وجديـلها ياقـلب ويش انت شـايف

لـيـل ٍ يـزيـد اللـي غـيا فـيـه غـيّـا

وخـدودها بين الهـدب والشـفايـف

مثـل السـحب بين الثرى والثـريّا

صحيح يمكن وصف الاشواق زايف

لكن قـلـبـي لـو عـذلـتـوه .. عـيّـا

وانا على المقفي ما ازيد الحسايف

لكـن عـلـيـها كـل حـزنـي تـهـيّــا

صاحب يعـينه فـ الظروف الكلايف

ويـصـيـر أضـحـوكـه لـذيّـا و ذيّـا

القـلـب والهـجـران ما هـم ولايـف

واللي بليّـا احـساس .. يـبقى بليّـا

قالوا تـريّـا .. قلت : يا قلب خايف

خـايـف أمـوت فـراق وانـا اتـريّـا

تصفح بالعنوان

  1. 1

    ذهب

    July 23, 2010 at 5:45 am

    عجيبه مرررررررررره

  2. 2

    بنت من ساس ما تنداس

    July 30, 2010 at 10:56 pm

    صح لسانك
    والله ما عليك زود والشهاده لله نعم والله والنعم فيك
    يا شيخ العرب

  3. 3

    زينب ليبيا

    August 9, 2010 at 6:43 pm

    ماشاالله عليك ربي يحفظك يا شيخ الشباب العرب والغرب

أرسل تعليقك

( *حقول مطلوبة )
( *حقول مطلوبة )