أزعـل عـليــك | سمو الشيخ حمدان بن محمد بن راشد آل مكتوم - فزاع

أزعـل عـليــك

جيت ابا ازعل عليك ناويٍ بالخصام

وكل مافي خـفوقي بس أزعـل عليك

يعني روّح واروّح واسري ليل الظلام

بس من يوم شفتك قلت بارضى واجيك

خلّي روحي بروحك هذا أغلا وسام

خـل عـيني بعـينك خـلّ إيـدي بيـديك

يا شروق المحبّه ، يا شموع الغرام

يا ورود بـْحـياتي عـطـرها يهـتـديـك

سلّم برمـش عينك هالتغـلـّي حــرام

ما تمـوت المـشاعـر دامـني أحـتويك

إنطبع في خفوقي إسمك بحرف لام

وفي عيوني عشقتك وفي حياتي أبيك

دامك بوسط عيني كيف عيني تـنام

ودامـك بنبـض قلبي كيف ما أفـتـديك

مد لي كفّ وصلك ، قولها باحـترام

موت احبّك واحبّك موت انا آموت فيك

عاد تبغي الصراحه ما نويت الخصام

هـذا قـلبـي يـحاسـب كل خـطـوه إلـيك

أقـترب لك حـبيـبي بالغـلا والـسـلام

يا حبيبي بصراحه حلوه غمضة عينيك

تصفح بالعنوان

  1. 1

    شما

    July 11, 2010 at 10:00 am

    يات في وجتها

  2. 2

    حورالشعر

    July 19, 2010 at 12:57 am

    اموووووووووووت بالاغنيه دي

  3. 3

    هپڷه ستآإېڷ

    July 21, 2010 at 10:22 pm

    نـآيس
    الصراحه كشششخـآه

  4. 4

    najwa

    August 10, 2010 at 5:57 pm

    من جد القصيده مرررررره حلوه صح لسانك

  5. 5

    منيره

    August 30, 2010 at 12:55 am

    صح لسانك

  6. 6

    كندا

    September 2, 2010 at 8:51 am

    القصيدة حلوة جدا جدا ويسلم لسانك وكلامك الطيب

  7. 7

    بائع الخواتم

    September 3, 2010 at 7:22 pm

    انا بسمع القصيدة على شكل اغنية شو هدا روعة شو اقول الله الله

  8. 8

    طيبتي اتعبتني

    September 12, 2010 at 3:20 am

    صح لسانك وتسلم ايدينك والله لا يحرمنا من قصايدك اللي ولا اروع 🙂

أرسل تعليقك

( *حقول مطلوبة )
( *حقول مطلوبة )