أريـد اتـفـلـسـف | سمو الشيخ حمدان بن محمد بن راشد آل مكتوم - فزاع

أريـد اتـفـلـسـف

جيت ابا اكتب قصيده وقلت الحّن كلام

قـلت يالله بافـكـّر من يلحّـن قـصيـد

قـال انا ( فايـز ) اللي ياسـلامـي سـلام

من يلحّـن قـصيدك غير فايز سعـيد

قـلت يالله بانبـدا بـس إيش المـقـــــام

رد قـال ( الحجاز) وقـلت لا ما يفـيد

قال رايـك بـياتـي ؟ قـلت لا لا حــرام

قال يعني أبا افهم إنت ش اللي تريد

قلت اريـد آتـفـلسـف ع ملحّـن تـمـام

يعني مثلك مثل موسى لي بلحنه فريد

القـصيـده القـديـمه حـق نـاس ٍ قـدام

والجـديده جـديده يعني تبغي الجديد

يعـني هذي قـصيده لبّـســوها وسـام

باللحن لي أريده لان شعـري يزيـد

هذا ( راشـد ) بصوته ما عليه الكلام

وان عنينا المشاعر هذا عـبد المجـيد

بالنهـاونـد تصـلح وبالمقـامات شـام

وكان تبغي الخبيتي خذ لدينا المزيد

وآنا أكتب قصيدي في الليالي الظلام

وارسل ارسال واضح عبر ساعي البريد

قبل لا اختم كلامي بين سين ٍ ولام

بين ميـم المحـبّه وهاجـس ٍ بي يـزيـد

حظ من هو معاه ملحّـن بشكل عام

مثـل (موسى محمد) والاّ (فايز سعيد)

تصفح بالعنوان

  1. 1

    ج

    July 10, 2010 at 10:13 pm

    🙂 نايس

  2. 2

    ذهب

    July 22, 2010 at 9:36 am

    والله اني القصيده اللي تلقيه انت بالنسبه لي احلى من اي لحن ذكرته بس عالعموم كل واحدله وجهة نظر

  3. 3

    شوق الإمارات طوني

    July 25, 2010 at 3:19 am

    تسلم شيخ ّ.فزآعّ. وانت الجديد وتبقى جديد

    ربي يخليك

  4. 4

    زينب ليبيا

    August 9, 2010 at 7:05 pm

    عن جد رررررررررررررررووووووووعه

  5. 5

    منيره

    August 30, 2010 at 1:00 am

    صح لسانك يا شاعر

  6. 6

    بسمة المغرب

    September 23, 2010 at 1:21 am

    روعة والله روعة يا فزااااااااااااااااااااااااااااااااااااااااع الله يحفضك من العين يارب

  7. 7

    بنت الحوور

    October 22, 2010 at 10:23 pm

    ربي يخلي فزااااع

  8. 8

    بنت السعوديه

    November 9, 2010 at 2:08 pm

    وااااو كل قصيده احلى من الثانيه

أرسل تعليقك

( *حقول مطلوبة )
( *حقول مطلوبة )