أرسم غـرام | سمو الشيخ حمدان بن محمد بن راشد آل مكتوم - فزاع

أرسم غـرام

أرسـم غـرام الحـب صورة ولوّنت

واسري ليالي في غياهب ظلامي

اشتقت لك يا ناعم الصوت وين انت

في العاصمة والاّ نويت المشامي

تشعـل حرايـق نـاس لا من تكلـّمت

حيـث ان صـوتـك للمولـّع هيامي

ليتـك على من حـبـك اليـوم هـوّنت

هوّن دخيلك صار في الحب ضامي

من فيض حبـك في المحبّه تعلـّمت

أفـراح عـمري والكـدر والتزامي

عن حب غيرك م المزايين حرمت

ما دام قـلـبي في محـبّـتـك هـامي

لـوّنت لك قـصـة هـوانا و لـوّنت

نور الصباح بجـنح داج الظلامي

هذي حقـيقـة حـب واليوم أعلـنت

بانك بقــلـب اللـي يحـبـك خـتامي

تصفح بالعنوان

  1. 1

    نايف بن صعصعه

    July 18, 2010 at 4:03 pm

    صح لسانك يا طويل العمر
    ما عليك زود
    الله لا يحرمنا منك

  2. 2

    هپڷه ستآإېڷ

    July 21, 2010 at 10:28 pm

    كشششوووخي
    والله ياشيخنـآ انك مبدع الصراحه

  3. 3

    جارحة الاهداب

    July 22, 2010 at 8:34 pm

    هذي حقـيقـة حـب واليوم أعلـنت
    بانك بقــلـب اللـي يحـبـك خـتامي

    صح لسانك يالشاعر

  4. 4

    شوق الإمارات طوني

    July 25, 2010 at 2:51 am

    صح لسانك صح لسانك الله يفظك ولايحمرنا من صوتك

  5. 5

    ايه

    July 31, 2010 at 12:16 am

    علي فكره هي من اكثر القصائد الي انحبهن صح لسانك

أرسل تعليقك

( *حقول مطلوبة )
( *حقول مطلوبة )